Ներկայացվել է ամենափոքր Ultra HD էկրանը

Ճապոնական Ortus Technology ընկերությունը ներկայացրել է 9,6 դյույմանոց հեղուկաբյուրեղային էկրան, որը հորիզոնական ուղղությամբ ունի 3840, իսկ ուղղահայաց դիրքով՝ 2160 պիքսել: Այս մասին հաղորդում է Tech-On! բլոգը: Հաղորդվում է, որ այն նման խտությամբ ամենափոքր էկրանն է աշխարհում:

Էկրանի վրա պիքսելների խտությունը մեկ դյույմի վրա հաշվվում է 458 հատ: Նման խտության է մոտենում HTC J Butterfly սմարթֆոնի էկրանը, որի յուրաքանչյուր դյույմին բաժին է ընկնում 440 պիքսել: HTC J Butterfly-ի դիսփլեյի անկյունագիծը հավասար է 5 դյույմի, իսկ խտությունը՝ 1080×1920 կետ:

Ortus Technology-ի էկրանը կարող է կիրառվել պրոֆեսիոնալ վիդեոսարքավորումների, բժշկական ապարատների և սպառողական սարքերի մեջ: Էկրանների առաջին նմուշները պատրաստ կլինեն նոյեմբերին: Դրանք կներկայացվեն Մյունխենում՝ Electronica-2012 ցուցահանդեսի ժամանակ:

Հարցեր, պատասխաններ, մեկնաբանություններ